राष्ट्रिय सहकारी बैंकको बागमती प्रदेश सञ्चालकमा परितोष पौड्याल विजयी भएका छन् । शनिवार भएको निर्वाचनमा रामशरण शर्मा घिमिरेलाई पराजित गर्दै पौड्याल विजयी भएका हुन् ।

पौड्यालले शर्मालाई २७५ मतले हराएका छन् ।विजयी भएका पौडेलले एक हजार ८२७ मत प्राप्त गर्दा उनका प्रतिस्पर्धी शर्माले एक हजार ५५२ मत प्राप्त गरे ।

पौडेलले बागमतीमा ५८५ मत पाएका छन् भने कोशीमा ३४४ मत पाएका छन् । त्यस्तै, उनले गण्डकीमा ३२४, लुम्बिनीमा २५३, मधेसमा १४२, कर्णालीमा १०७ र सुदूरपश्चिममा ७२ मत पाएका छन् ।

शनिवार भएको निर्वाचनमा ३ हजार ३९४ मत खसेको थियो । जुन कुल मतदाताको ३९.११ प्रतिशत हो । जम्मा मतदाता ८ हजार ६७९ जना मतदाता थिए ।